Astanada Qazaxıstan prezidentinin sədrliyi ilə Xarici İnvestorlar Şurasının iclası keçirilib.
36-cı iclasın mövzusu iqtisadiyyatın rəqəmsal transformasiyası olub.
Qazaxıstan Prezidenti Kasım Cömert Tokayev çıxışında geosiyasi gərginliyin qlobal iqtisadiyyatı dəyişdirdiyini vurğulayıb. O, rəqəmsallaşmanın artıq bütün ölkələrin və regionların rəqabət qabiliyyətinin müəyyənedici amilə çevrildiyini vurğulayıb.
Tokayev bildirib ki, Qazaxıstan 2029-cu ilə qədər əlavə 150 milyard dollar birbaşa investisiya cəlb etməyi hədəfləyir. O, həmçinin 2029-cu ilə qədər 86 milyard dollar dəyərində 200 infrastruktur layihəsinin həyata keçiriləcəyini açıqlayıb.
Tokayevin sözlərinə görə, xarici investisiyalar enerji sektorunun böyüməsinə kömək edib.
Beləliklə, Qazaxıstan neft hasilatında yüksək artım tempinə malik ilk beş ölkə sırasında yer alıb.
Prezident Qazaxıstanda atom elektrik stansiyasının tikintisi ilə bağlı qərarın verildiyini və bu layihənin enerji təhlükəsizliyinə uzunmüddətli investisiya olacağını qeyd edib.
O, kənd təsərrüfatı sahəsində 5 milyard dollar dəyərində 100 layihənin tikintisinin nəzərdə tutulduğunu bildirib.
Tokayev Qazaxıstanın Avrasiyanın mühüm tranzit mərkəzi kimi mövqeyini gücləndirməyi hədəflədiklərini və Transxəzər beynəlxalq nəqliyyat marşrutunun inkişafına prioritet veriləcəyini açıqlayıb.